ويكيبيديا:اسئله متكرره

ويكيبيديا هو مشروع موسوعه حره ومحايده ومجانيه للناس كلها, و مفتوحه لأى حد يساهم فى تحريرها او يكتب او يعدّل فيها بالمصرى على الانترنت حسب معايير و طرق معينه. مقالات ويكيبيديا مصرى بتتكتب بالمصرى بس و مش بأى لغه تانيه. لحد دلوقتى فيه اكتر من 265 ويكيبيديا مكتوبين بـ 265 لغه. كلمة ويكيبيديا متكونه من كلمتين: الاولانيه ”ويكى“ (معناها الكتابه و التحرير بالطريقه دى, و ان المحررين يقدرو يعدّلو نصوص بعض), و التانيه ”انسيكلوبيديا“ (كلمه من أصل لاتينى معناها ”موسوعه“).

النسخه المصريه ”ويكيپيديا مصرى“ ابتدت كمشروع فى ابريل/برمودا 2008, و كل اللى بيساهمو فيها بيكتبو باللغه المصريه الجديده اللى بيتكلمها المصريين و بتتكتب بالحروف العربى.

لحد الوقتى فيه خلاف على اجابة السؤال ده. كل اللغات فى الاساس لهجات (انجليزى: dialects), بس اللى بيخليها تعتبر لغه هو انها متوحده طريقة كتابتها على نوع (انجليزى: variety/lect) معين. فيه كمان خصايص ممكن تخلى اللهجه ماتعتبرش لغه, لو مش بتستعمل فى الكتابه او نادر لو إتكتبت لأى سبب (مثلا منع كتابتها) او ان مالهاش پريستيچ بالنسبه للهجات تانيه.

عموماً, فيه علم اللغة بيقولوا ان الدراسه و البحث العلمى بتقول ان اللغه المصريه الحديثه ليها اصول لغويه و تاريخيه أبعد من اللغه العربى; بمعنى انها ما نتجتش او اتخلقت من العربى, لكنها كانت فى الأساس نتاج تفاعل المصريين اللى كانو بيتكلمو قبطى مع دخول العرب أرض مصر فى القرن السابع الميلادى.

حتى لو كانت اللغه المصرى معتبره لهجه, سياسة و شروط مؤسسة ويكيميديا بتسمح بإن يتعمل مشاريع ويكيپيديا بلهجات, طول ما فيه يوزرات متحمسين للمشروع و حيساعد على نشر المعرفه اكتر. فيه ويكيپيديات كتير بلهجات او بطريقة كتابة مختلفه لنفس اللغه. فيه حتى ويكيبيديا انجليزى متبسط, يعنى فيه موسوعتين لـ لغه واحده. فيه كمان نرويجى بطريقة بالإملا القديمه Bokmål و نرويجى بطريقة بالإملا الجديده Nynorsk, و كوردى بحروف لاتينى و كوردى بحروف عربى, و ألمانى و ألمانى Alemannisch و ألمانى پينسيلڤانى, و هولاندى و هولاندى شمالى غربى و هولاندى بلچيكى, و بيلاروسى و بيلاروسى Taraškievica... و غيرهم.

الدعوه للكتابه بالمصرى و اعتمادها اللغه القوميه فى مصر عمرها اكتر من ميت سنه. ويكيپيديا عربى موجوده علشان توفر المعلومات بالعربى القياسى الحديث لكن المصرى لغة اكتر من 70 مليون شخص فى مصر و غيرها من البلاد. مفردات و قواعد اللغه المصرى مختلفه عن العربى القياسى الحديث. ويكيپيديا مصرى موجوده علشان توفر المعلومات للى بيتكلمو بالمصرى.

اى حد ممكن يكتب فى ويكيبيديا مصرى اى حاجه يعرفها, فيه مجموعه من المبادئ العامه المفروض تتبعها و انت بتكتب. خد راحتك فى الكتابه طالما مش بتحيز. حاول تحط المصادر اللى جبت منها كلامك. اكتب, عدّل, ترجم, حوّل المقالات, بس ما تهينش حد. تقدر تساهم من-غير ما تسجل يوزر, بس الاحسن تسجل عشان مساهماتك تتسجل بإسمك, مش بـ رقم الIP. التسجيل مفتوح هنا

لما المصرى يتكلّم عن حاجه حديثه بيمصر الكلمه الاجنبى; مثلاً كلمة سييڤ الصفحة, كلمه جايه من ”save“ استعملت هنا لإنها مستعمله فى اللغه المصرى, و كلمة  احفظ معناها ”افتكر“ زى ما يكون فى المذاكره, لو بيتكلم عن حاجه فى الكمبيوتر بيمصر الكلمه الاجنبى, زى الديسك و الدرايڤ و السكرين.