سارس-كوڤ-2

ڤايروس كورونا الجديد 2019 (SARS-CoV-2 سارس-كوڤ-2) هوا نوع جديد من انواع فيروس كورونا اكتشف سنه 2019 فى مدينة ووهان ف الصين. بيسبب مرض اسمه كوڤيد-19

لما اتحدد ان فيه ڤايروس جديد بيسبب انفلونزا فى ووهان كان فيه اخبار انه هايتسما ڤايروس ووهان. ده ماحصلش عشان لما ڤايروسات تانيه اتسمت باسم اماكن زى انفلونزا اسبانى او حيوانات زى انفلونزا فراخ او انفلونزا خنازير حصلت تصرفات ضرت ناس معينه بسبب ستيجما المرض.

مصدر السلالة الفيروسية مش معروف لكن فيه احتمال انه ممكن يكون واحد من فيروسات كورونا المعروفه اللى بتصيب الحيوان ف الأصل . نتيجة لاصابة الانسان بيه الفيروس اتكييف و بئا قادر يصيب مشاكل كبيره ف الجهاز التنفسى و لكن ده مش مؤكد. السارس-كوڤ-2 ليه تشابه وراثى كبير مع فيروسات كورونا الخفاش ، و محتمل أن فيروسات كورونا الخفاش هيا اصل السارس-كوڤ-2 علشان الفيروس فيه شبه من فيروس موجود ف جنس رينولوفوس من خفافيش حدوة الحصان.[9][10][11] اكتشف باحثين من جوانجتشو عينه من پانجولين ليها تسلسل حمض نووي فيروسى "مطابق بنسبة 99٪" للسارس . عشان كده فيه احتمال ان حيوانات الپانجولين كان الوسيط فى تطور السارس-كوڤ-2 اللى خللاه يعدى البشر.[12][13] الحمض النووي بتاع سارس 2 بيختلف ف حمض امينى واحد بس عن ڤايروس كورونا الپانجولين".[14] حيوان الپانجولين محمى بحكم بموجب القانون فى الصين ، لكن صيده عشان استخدامه ف الطب الصينى التقليدى بيحصل كتير.[15][16] من منظور التصنيف ، SARS-CoV-2 بيتصنف على انة سلالة فيروسات من الأنواع كورونا المرتبطة بمتلازمة الالتهاب الرئوى الحاد (SARSr-CoV)...[17] لما اتقارن الجينوم الكامل كان بالكتير 92 ٪ من الجينات مشتركة بين ڤايروس كورونا الپانجولين و سارس-كوڤ-2 ، و ده مش كفايه علشان اثبات أن الپانجولين هوه المضيف الوسيط.[18]

حسب التسلسلات الجينومية المعروفة بتاعة سارس-كوڤ-2 ، السلالة قد اكتشفتها السلطات الصحية خلال أسابيع من ظهورها بين السكان فى أواخر سنه 2019. ف الاغلب أول حالة اصابة معروفه كانت يوم 17 نوفمبر 2019. وانتشر الفيروس بعد كده لكل مقاطعات الصين و لاكتر من 100 دوله ف آسيا وأوروبا وأمريكا الشمالية وأمريكا الجنوبية وافريقيا وأوقيانوسيا. تم تأكيد انتقال الفيروس من شخص لشخص ف كل المناطق دى. يوم 30 يناير 2020،اعلنت منظمة الصحة العالمية سارس-كوڤ-2 حالة طارئة للصحة العامه، و يوم 11 مارس 2020 أعلنت منظمة الصحة العالمية أنه وباء عالمى.

ڤايروس سارس-كوڤ-2 حصلت ليه طفرات منها واحده فى حيوان مينك.[19]

انتشار فيروس كورونا 2019 زى أى انتشار فيروس بيسبب البرد ؛ الهوا الملوث بالفيروس ، الافرازات التنفسيه. ڤايروس كورونا بينتشر ف الاساس الاولانى بين الأشخاص بطريقة مشابهة للأنفلونزا ، عن طريق رزاز الجهاز التنفسى من الكحه أو العطس.[20][21][22] الفترة بين التعرض و ظهور الأعراض حوالى خمس أيام ، لكن ممكن تاخد من يومين لاربعتاشر يوم.[11][22] مافيش دليل ان أن الفيروس بيتنقل عن طريق الهوا.[23] مخاطر انتقال مرض كوڤيد-19 عن طريق براز الشخص المصاب بالعدوى محدوده.

اعراض فيروس كورونا 2019 زى أعراض البرد زكام أو رشح ، احتقان حلق ، ارتفاع ف حرارة الجسم . لو اتطور لالتهاب رئوى يزيد معاه ضيق نفس و نهجان . وع شان فيروس جديد و جهاز المناعه مش متعود على وجوده مضاعفاته ووفياته أكتر ، و بالذات فى كبار السن والأطفال ومرضى نقص المناعه .

آلاف العلما بيحاولو انتاج تطعيم مضاد للسارس-كوڤ-2. منظمة الصحه العالميه نشرت اسامى 41 مصل محتمل تحت التجربه عشان التطعيم على موقعها. .[24] الاخبار من التجارب لسه ماتعلنتش. احتمال ان مصل يكون متوفر بعد 12 او 18 شهر.