السودان

السودان هيا بلد من بلاد شمال افريقيا و عضو فى الاتحاد الافريقى اسمها الرسمى جمهورية السودان و بتعتبر جزء من الشرق الأوسط سياسيا و جغرافيا. السودان بتحيط بيها مصر من الشمال, البحر الاحمر و اثيوبيا و اريتريا م الشرق, ليبيا و تشاد من الغرب و كينيا و اوجاندا و جمهورية افريقيا الوسطى و جنوب السودان من الجنوب. شعب السودان ليه تاريخ طويل بيمتد من العصور القديمة و بيتشابك مع تاريخ مصر.

مساحة السودان 1,886,068 كيلومتر مربع و بييجى ترتيبها الستاشر على مستوى العالم و عاصمة السودان هيا مدينة الخرطوم و اكبر مدينه فيها هيا ام درمان.

مناخ بارد من شهر نوفمبر لحد مارس و فى بداية شهر ابريل كل سنه بيدخل فصل الصيف و بيستمر لحد نهاية يونيه و بيبتدى نزول المطر فى بداية شهر يوليه و بيستمر لحد اكتوبر. مافيش فصل ربيع فى السودان. فى الجزء الجنوبى المناخ بتاع خط الإستواء بيكون فصل الصيف مستمر لأكتر من 8 شهور.

السودان كدولة مركزية بلد حديث, السودان كلمه سمى بيها العرب البلاد اللى موجوده جنوب مصر زى دارفور و كردفان سنار, اما النوبه فهيه كانت كلها ضمن الحدود المصريه فى فترات كتيره من عهد الاسرات الاخيره الفرعونيه, محمد على اول واحد وحد افاليم السودان و عمل حدودها و بنى الخرطوم كاول عاصمة لدوله السودان.