التهاب رئوى

"الالتهاب الرئوى" هوه حالة التهاب فى انسجة الرئه بتأثر بشكل اساسى على الأكياس الهوائية الصغيرة المعروفه باسم الحويصلات الهوائية.[5][6]

فى العاده اعراض الالتهاب الرئوى بتكون خليط من بلغم او كحه و الم الصدر و حمى و صعوبة التنفس.[7] شدة العيا بتختلف من عيان للتانى.

فى العاده الالتهاب الرئوى بيكون بسبب عدوا بفيروس او بكتيريا. ساعات قليله بيكون بسبب حاجات تانيه. مصطلح "الالتهاب الرئوى" بيستخدم ساعات على اى حاله فيها التهاب رئتين.

التشخيص بيعتمد على الأعراض والكشف على العيان.[8] صور اشعة ايكس على الصدر و تحاليل الدم و زرع البلغم بتساعد ف تأكيد التشخيص.[8]